Lilbalığının (tinqa) faydaları

Müəllif: elnare
Tarix: 28 iyun 2018
Baxış sayı: 2 737
0 rəy

Lilbalıq tinqa fəsiləsindən olan balıqlardandır. Lilbalıq az hərəkətli və istilik sevən bir balıqdır. Azərbaycanda Aşağı Kürün su hövzələrində, su anbarlarında (Hacıqabul, Sarısu gölləri, Kürətrafı axmaz və digər sular, Varvara və Mingəçevir), Dəvəçi limanında, Kiçik Qızılağac körfəzində yaşayır. Lilbalıq gec böyüyən balıqdır. O dərinliklərdə yaşayır. Lilbalığın adı onun rəng xüsusiyyətinə muyğun olaraq verilmişdir. Belə ki, lilbalığı sudan çıxan zaman onun dərisinin rəngi dəyişməyə başlayır. Onun lil, qızılı və fərqli rənglərdə dəriyə malik olan növləri var. Lilbalığı gözəl xarici görünüşə malik olan bir balıqdır. Ona demək olar ki, bütün isti su hövzələrinə rast gəlmək mümkündür. Onun adətən çəkisi 600 qram olur. Nadir hallarda uzunluğu 50 sm, çəkisi isə 2-3 kiloqrama qədər arta bilən lilbalığına rast gəlmək mümkün olur. Lilbalığı molyusklar, həşəratlar və su bitkiləri ilə qidalanırlar. 100 qram lilbalığının qida dəyəri:
- Zülallar – 7 qr
- Yağlar – 1,8 qr
- Karbohidratlar – 1 qr
- Su – 1 qr
- Kalori – 40 kKal.
Az kalorili olmasına baxmayaraq lilbalığının tərkibi müxtəlif faydalı vitamin və minerallarla zəngindir. Lilbalığı ətində çoxlu miqdarda yüksək keyfiyyətli zülallar, yod, vitaminlər, faydalı maddələr, B, A, E, C, PP vitaminləri, süzülməmiş yağ turşuları natrium, xlor, fosfor, ftor, kaslium, marqanes və s. var.
Lilbalığı ilə qidalanmaq orqanizm üçün yüksək keyfiyyətli zülallara və yağlarla təmin olunmasına səbəb olur. O mədənin işini yaxşılaşdırır və qalxanvari vəzin fəaliyyətini normallaşdırır. Alimlər mütəmadi olaraq lilbalığı yeyənlərin orqanizminin sağlam olmasını sübut etmişlər. Bu balığın tərkibində olanlar ürəyin işini yaxşılaşdırır və aritmiyanın qarşısını alır.
Lilbalığının zərərli xüsusiyyətləri
Lilbalığının zərərli xüsusiyyətləri barədə heç bir yerdə qeydlərə rast gəlinmir.

Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.

B vitaminlər qrupu