Qırqovul əti

  • Müəllif: elnare
  • Tarix: 24 aprel 2018
  • Baxış sayı: 5 758
  • 0 rəy

Qırqovul toyuqkimilər sinfinə aid olan iri quşlardandır. Erkək qırqovulun boyu 110 santimetrə qədər qalxa bilir. Qırqovulun orta çəkisi 2 kiloqram olur. Amma yaxşı qidalanan erkək qırqovulun çəkisi 4-6,5 kiloqrama qədər arta bilir. Qırqovul müxtəlif rəngli tüklərə sahib olur. Onun başında və başının arxa hissəsində qara, boz və kül rəngdə pipiyə oxşar tüklər olur. Qırqovul ən gözəl görünüşə malik olan quşlardandır. Onun bədəninin tükləri də müxtəlif rənglərdə olur. Qırqovul sarı, tünd sarı, ağ, tünd boz rənglərdə tüklərə sahib olur. Əvəllər Asiya, Avropa, Sibir meşələrində, Baykal ətrafı meşəliklərdə, Rusiyanın bəzi ərazilərində çoxlu sayda qırqovula rast gəlinirdi. Azərbaycanda olan meşələrdə də əvvəllər yetərincə qırqovul olub. Lakin onların əti yeyilməyə başladıqdan sonra sayları sürətlə azalıb və bu gözəl meşə quşunun sayı kəskin azalmağa başlayıb. Hətta, son onilliklərdə qırqovulların kütləvi surətdə yaşadığı yerlərdə onların nəsli kəsilib. Son illərə qırqovula ən çox İsveçrədə və Rusiyada rast gəlinir. Yunanıstanda, Karpatda, Alp dağlarında, İspaniyada da qırqovula rast gəlmək mümkündür. Qırqovulun tüklərindən müxtəlif bəzək əşyalarının hazırlanmasında, ətindən isə kulinariyada geniş istifadə edilir.
Qırqovulun dadlı, tünd və sulu əti onu yeyənlər tərəfindən çox bəyənilir. Onun ətini məşhur edən isə zərif əvəlik dadını xatırladan dadıdır. Onu bu daddan xilas etmək üçün isə bəzi aşbazlar qırqovul ətini sirkədə marinadlaşdırırlar. Bunun üçün isə qırqovul ətini 2-3 gün soyuq yerdə marinadlaşdırıb saxlamaq lazımdır. Satışda qırqovul ətinə rast gəlmək mümkün deyil. Onu ovçular ov zamanı əldə edir və satırlar. 100 qram qırqovul ətində 225 kKalori, müxtəlif zülallar və yağlar var. 
Qırqovul ətinin tərkibi makro və mikro elementlərlə zəngindir. Onun tərkibində kalium, kalsium, dəmir, natrium, maqnium, xlor, xrom, fosfor, kolbat, ftor, molibden, qalay, kükürd , nikel, B qrup, PP, A, E, H vitaminləri var.
Müalicəvi və faydalı xüsusiyyətləri
Mütəmadi olaraq qırqovul əti yemək qanda şəkərin miqdarını nəzarət altında saxlayır, oksigenin hüceyrələrə daşınmasını sürətləndirir, zülalların sintezini qaydaya salır, onurğa və baş beyni qidalandırır, əsəb və həzm sistemini normallaşdırır, dərinin və orqanizmin vəziyyətini yaxşılaşdırır. Qırqovul əti, göbələklər və tərəvəzlərlə hazırlanan məşhur diç, onu yeyənlər tərəfindən çox sevilir. Qırqovuldan bişirilən ən dadlı yemək isə qırqovul qızartmasıdır. Qırqovul ətindən plovların bişirilməsi zaman da istifadə olunur. Onun ətindən ləzzətli kotletlər hazırlanır.
Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.

"Qırqovul əti" haqqında müzakirə