Dana ətinin faydaları

  • Müəllif: elnare
  • Tarix: 30 aprel 2018
  • Baxış sayı: 1 864
  • 0 rəy
Ən dadlı dana əti bir yaşına çatmamış və yaxşı bəslənmiş dananın əti hesab olunur. Dana əti çox dadlı və zərif olur. Süd, ot və samanla bəslənmiş körpə dananı ətinin dadından doymaq mümkün deyil. Belə ətin üstündə zərif piy təbəqəsi olur ki, bu ətin dadını daha da artırır. Körpə dananın əti tünd çəhrayı rəngdə olur. Ən bahalı dana əti süd və otla qidalanan, ən ucuz dana əti isə fermalarda süni yollarla bəslənən danaların əti hesab edilir.
Körpə dananın ətindən müxtəlif yeməklərin bişirilməsində istifadə edilir. Ən çox da yemək bişirilərkən erkək dananı ətinə üstünlük verilir. Dana ətindən hazırlanan delikates ən dadlı delikates hesab edilir.
Necə seçməli?
Körpə dana əti tünd və solğun çəhrayı rəngə olur. Dana ətinin üstü nazik yağ təbəqəsi ilə örtülür. Təbii üsullarla bəslənmiş dananın onurğa iliyində qırmızı ləkələr olur. Ən yaxşı dana ətini təyin etmək üçün onu barmaqla basmaq lazımdır. Bu zaman barmağı götürdükdən sonra tez bir zamanda ət əvvəlki halına dönərsə, o zaman o təzədir. Barmaq basılan nahiyənin əvvəliki hala gec gəlməsi ətin köhnəliyinin göstəricisidir.
Necə saxlamalı?
Körpə dana ətini soyuducunun alt gözündə 2 gün, dondurucuda isə uzun müddət saxlamaq mümkündür.
100 qram körpə dana ətinin qida dəyəri:
- Zülallar – 19,7 qr
- Yağlar – 2 qr
- Su – 78 qr
- Kalori – 96, 8 kKal.
Dana ətinin tərkibi lipid və proteinlərlə zəngindir. Onun tərkibində çoxlu vitaminlər və minerallar var. Dana əti orqanizm üçün ən faydalı ət hesab edilir. Onun xüsusi özəllikləri var. Dana ətində PP, B1, B2, B6, B9 vitaminləri, maqnium, kalium, kalsium, nartium, dəmir, fosfor var. Dananın qaraciyərində olan dəmir orqanizm üçün çox faydalıdır. Dana ətinin enerji dəyəri çox yüksəkdir. O orqanizm tərəfindan asan sorulur və həzm şirəsinin aktiv ifrazını stimulyasiya edir. Dana əti yağsız ət hesab edilir və dietoloqlar tərəfindən məsləhət görülən qidalar siyahısına daxildir. Dana əti pəhriz saxalayanlar, təzyiqi olanlar, şəkərli diabet xəstələri, anemiyadan əziyyət çəkənlər üçün əla qida vasitəsi hesab edilir. Böyrək daşı və infarkt xəstəliyindən əziyyət çəkənlərə də dana əti yemək tövsiyə edilir. Sağlığının qayğısına qalan adamlar həmişə dana ətini yeməyə üstünlük verirlər.
Kulinariyada
Dana əti bir çox Avropa ölkələrində, Qafqaz ölkələrində mətbəxlərin ən sevimli qidalarından sayılır. Onun suda bişirilmişindən və qızartmasından istifadə edilir. El arasına dana ətindən hazılanan basdırmanın dadı ləzzətli olur. Onun bolyonu orqanizm üçün çox faydalıdır. Dana ətinin xolesteronundan qorxanlara onu qaynamağa başlayandan 5 dəqiqə sonra suyunu dəyişməyi tövsiyə edilir. Mal ətini bişirən zaman qazanın qapağını tam örtmək məsləhət görülür. Qaynayan mal ətinin kəfini yığmaq məsləhət görülmür. Onun tərkibinbdə faydalı zülallar var.
Dana ətinin zərərli xüsusiyyətləri
Dana əti orqanizm üçün çox faydalı olsa da onun da zərərli xüsusiyyətləri vardır. Dana ətinin tərkibində zərərli xolesterin, yağlar və sərt qida lifləri yoxdur. Dana əti mədə turşuluğunun artmasına səbəb olmur. Onun ən zərərli xüsusiyyəti bişirilən zaman tərkibində olan azot birləşmələrinin bulyona daxil olmasındadır. Qidalanma zamanı isə onun bulyonundan istifadə eləmədikdə orqanizmə heç bir ziyan dəymir. Nadir hallarda dana əti allergiya reaksiyalarımım meydana çıxmasına səbəb olur.
Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.
loading...

"Dana ətinin faydaları" haqqında müzakirə