Xiyar

Müəllif: elnare
Tarix: 6 aprel 2018
Baxış sayı: 7 426
0 rəy

Xiyar ən qədim tərəvəzlərdən hesab edilir. Onun tam yetişməmişi daha dadlı olur. Yəni, xiyar nə qədər körpə və kiçik ölçüdə olarsa o bir o qədər də dadlı olur. Xiyarın vətəni Hindistan hesab edilir. Onun yabanı növləri də var. Yabanı xiyar sarmaşıq şəklində inkişaf etmiş bitkidə yetişir. Bu zaman o öz vətəninin tropik meşələrində hündür ağaclara sarışaraq böyüyür, onun meyvələri isə aşağı hissələrində yetişməyə başlayır. Qədim Roma iperatoru Tiber öz süfrəsində həmişə xiyarın olmasını tələb edirmiş. İndi də dünya mətbəxində xiyar süfrədə olmasına görə kələmdən sonra ikinci yerdə durur.
Xiyar diabetik tərəvəzlərdən hesab edilir. Onun 95-98%-ni su təşkil edir ki, bu da onun az kaloriyə malik olmasının göstəricisidir. Xiyarın tərkibində olan maddələr orqanizmin qocalmasının qarşısını alır. Ondan çoxlu miqdarda yedikdə böyrəklərdə olan daşların tökülməsinə səbəb olur. Mütəmadi olaraq xiyar yemək qalxanabənzər vəzin fəalliyyətini yüksəldir. Buna səbəb isə xiyarın tərkibində yodun olmasıdır. Xiyarın tərkibindəki liflər həzm prosesini sürətləndirir, qan damarlarında olan xolesterinin miqdarını azaldır.
Xiyarın tərkibində C, B1, B2 vitaminləri, karotin, xlorofil, fol turşusu, kalium, fosfor, dəmir, natrium, maqnium, xlor, marqanes, sink, xrom və kükürd var.
Xiyarın tərkibindəki kalum orqanizmdən artıq mayenin çıxmasını sürətləndirir. Tərkibində kalorinin az olması xiyarı arıqlamaq üçün ən ideal vasitə edir. Xiyar arterial təzyiqi aşağı salmaq qabiliyyətinə malikdir. Xiyarın ən yaxşı müalicəvi xüsusiyyətlərindən biri də onun orqanizmdən pis xolesterini xaric etmək qabiliyyətinə malik olmasıdır. Bir sözlə xiyar orqanizmdə əsil təmizləyici funksiya yerinə yetirə bilən tərəvəzlərdən hesab edilir. Xiyar şirəsinin tərkibi orqanizm üçün lazım olan minerallarla zəngindir. O orqanizmin təmizlənməsinə, cavanlaşmasına, dərinin gözəlləşməsinə, ürək-damar sisteminin yaxşılaşmasna, dərinin tonusunun artmasına, yaddaşın yaxşılaşmasına səbəb olur. Xiyar şirəsinin bəlğəmgətirici xüsusiyyəti var. Bu səbəbdən də vərəm xəstəliyi zamanı istifadə edilməsi çox faydalıdır. O sidikqovucu və sinir sistemini sakitləşdirici, iltihab əleyhinə, ağrıkəsici təsirə malikdir. Xiyar şirəsi karbohidrat-yağ mübadiləsinin normallaşmasına səbəb olur və orqanizmi artıq şlaklardan təmizləyir. Buna səbəb isə xiyar şirəsinin qanı təmizləmək qabiliyyətinə malik olmasıdır. Gün ərzində 1 litrə qədər xiyar şirəsi içmək olar, amma, hər dəfə 100 qramdan artıq içilməməsinə diqqət yetirmək lazımdır.

Xiyarnın Ziyanı

Kəskin və xroniki nefrit xəstəlikləri zamanı, xroniki böyrək çatışmazlığında, böyrək daşı xəstəliyi zamanı xiyar şirəsi içən zaman diqqətli olmaq lazımdır.

Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.