Qazanda toyuq kababı

Müəllif: elnare
Tarix: 15 yanvar 2017
Baxış sayı: 2 687
0 rəy

Qazanda toyuq kababı.
Lazım olan ərzaqlar:
1 ədəd toyuq
100 qr qoz ləpəsi
150 qr baş soğan
50 qr kərə yağı
35 qr lavaşana
Duz və istiot zövqə görə.
Hazırlanma qaydası:
Əvvəlcə toyuğun içi təmizlənir, yuyulur, kərə yağı qənnadı şprisinə doldurulub toyuğun döş ətinə kiçik file ilə arasına yeridilir. Lavaşana (sıyıq turşu) isti suda xama qatılığına qədər həll edilir, duz və istiot vurulub qarışdırılır. Alınmış qarışığın ¾ hissəsi toyuğun iç və çöl tərəfinə çəkilir. Hazır toyuq sərin yerdə 1 saat saxlanılır. Qoz ləpəsi və soğan maşından keçirilir, turşu, duz, istiot əlavə edilib qarışdırılır. Toyugun içi həmin qarışıq ilə doldurulur, ayaqları bir-birinə keçirilir və qazana qoyulur. Üzərinə su əlavə edilir, vam odda suyu çəkilib yağa düşənə qədər bişirilir. Yağa düşəndən sonra isə qazanın qapağı bağlanır və tam bişənə qədər qızardılır. Toyuq süfrəyə bütöv şəkildə verilir.

Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.