Küncüt yağının faydaları

Müəllif: elnare
Tarix: 6 may 2018
Baxış sayı: 3 665
0 rəy

Küncüt toxumlarından qədim zamanlardan istifadə edilib. İndi də bir çox ölkələrdə küncütdən ədviyyat vasitəsi kimi istifadə olunur. Onun faydaları barədə İbn Sinanın əlyazmalarında da qeydlərə rast gəlinir. Qədim Misirdə küncüt yağından müxtəlif müalicəvi məqsədlərlə isstifadə edilir. Küncüt yağının ikinci adı ”susam yağı”dır. Bu yağın özünəməxsus faydalı tərkibi onun müalicə və kosmetologiya sahəsində də faydalı olduğunu sübut edir.
Necə seçməli?
Küncüt yağı alarkən soyuq üsulla sıxılmış yağı almaq məsləhət görülür. Onun rəngi küncüt toxumlarının rəngindən asılı olaraq açıq və ya tünd ola bilir. Yağ şüşəsinin dibində olan xırda küncüt qalıqları bu yağın təbii olmasının göstəricisi sayılır.
Necə saxlamalı?
Küncüt yağının saxlanlma müddəti 2 ildir. Şüşə qabda ağzı bir dəfə açılmış yağı almaq məsləhət görülmür. Şüşənin içərisində hava boşluğunun çox olması yağın tez xarab olmasına səbəb ola bilir.
Kulinariyada tətbiqi
Güncüt yağının soyuq sıxılma üsulu ilə əldə olunanı daha çox faydalı hesab edilir. Qovrulmuş küncüt toxumlarından əldə edilən yağın rəngi qəhvəyi rəngdə və qoxusu daha tünd olur. Küncüt yağından Yapon, Koreya, Hindistan, Çin mətbəxində daha çox istifadə edilir. Ekzotik Asiya mətbəxinin gözəl olmasında küncüt yağının rolu böyükdür. Ondan dəniz məhsullarının, salatların, tərəvəz və ətlərin dadlandırılması üçün istifadə edilir. Bir neçə damcı küncüt yağı bir boşqab salatın dadını doyulmaz edir.
Küncüt yağının tərkibi vitaminlər, amin turşuları, doymamış yağ turşuları, makro və mikroelementlər, bioloji aktiv maddələr, fitin, antioksidantlar, fitosterollar, fosfolipidlər və s. var. Küncüt yağının tərkibində 40-45% Omeqa6, Omeqa9 və Omeqa3 yağı var. Ondan istifadə etmək ürək-damar xəstəliklərinin, cinsi fəaliyyətin, sinir və endokrin sistemin normallaşmasına, maddələr mübadiləsinin artmasına və immunitetin yüksəlməsinə səbəb olur. Uzun müddət küncüt yağından istifadə eləmək orqanizmə yarasağaldıcı, iltihabəleyhinə, immun sistemi artırıcı təsir bağışlayır. O görmənin yaxşılaşmasına səbəb olur. Saçlara və dırnaqlara küncüt yağı sürtmək onların möhkəmlənməsinə səbəb olur. Ondan istifadə eləmək orqanizmin kalsiuma olan ehtiyacını ödəyir. Küncüt yağının tərkibində olan fosfor, maqnium, dəmir və sink beyin fəaliyyətini yaxşılaşdırır. Küncüt yağının tərkibində olanlar sonsuzluğun aradan qalxmasına səbəb olur. Tərkibində olan A və E vitaminləri qaraciyərin, ürək-damar sisteminin möhkəmlənməsinə səbəb olur.
Faydalı və müalicəvi xüsusiyyətləri
Küncüt yağıdan istifadə etmək orqanizmə yarasağaldıcı, iltihabəleyhinə, bağırsaq yumşaldıcı, sidikqovucu təsir bağışlayır. O orqanizmi isidir, seliyin xaric olunmasını sürətləndirir, şlakları xaric edir, beyni qidalandıraraq sakitləşdirir, ürəyi qidalandırır. Küncüt yağı mədə-bağırsaq fəaliyyətini sürətləndirir, ödün əmələ gəlməsini və ifrazını nəzarət altında saxlayır. O qaraciyərdəkiu piy distrofiyasının, hepatitlərin aradan qalxmasını sürətləndirir. Küncüt yağı zehni yorğunluğun aradan qalxmasına yardım edir, yaddaşı yaxşılaşdırır, diqqətin cəmlənməsini sürətləndirir. Davamlı olaraq küncüt yağından istifadə eləmək anemiya əlamətlərinin aradan qalxmasına, ağciyərdəki xəstəliklərin tez bir zamanda sağalmasına, qan əmələgəlmə prosesinin sürətlənməsinə səbəb olur. Bu yağı uşaqlara aşağıdakı dozada vermək onların sağlamlığı üçün çox faydalıdır:
* 1-3 yaşlı uşaqlara gündə 3-5 damcı
* 3-6 yaşlı uşaqlara gündə 6-10 damcı
* 10-14 yaşlı uşaqlara gündə 1 çay qaşığı
Kosmetologiyada tətbiqi
Küncüt yağından dəridəki yaraların və sıyrıqların tez bir zamanda sağalması üçün, çapıq toxumaların aradan qalxması üçün istifadə edilir. O dəridə olan dermatoloji problemlərin sağalmasına səbəb olur, dərinin elastikliyini və möhkəmliyini artırır. Küncüt yağı dərinin epidermis qatının müdafiə qüvvəsinin artmasına ssəbəb olur. Küncüt yağı dərini günəş yanıqlarından qoruyur, dəridəki həssaslığı aradan qaldırır. Ondan istifadə etmək dərinin piy vəzilərinin fəaliyyətini normallaşdırır, dəridəki yağlılığı aradan qaldırır. Onun tərkibində olan maqnium dərinin sakitləşməsinə səbəb olur.
Küncüt yağı uşaq dərisinə qulluq vasitəsi kimi istifadə edilə bilər. O üz, əllər və uşaq dərisi üçün ən faydalı yağlardan biridir.
Küncüt yağı tükdibi xəstəliklərin, o cümlədən seboreyanın sağalmasına, kəpəklənmənin aradan qalxmasına səbəb olur.
Küncüt yağının zərərli xüsusiyyətləri
Küncüt yağının zərərli xüsusiyyətləri barədə heç yerdə qeydlərə rast gəlinməyib. İstifadə etməzdən əvvəl onu dərinin bir hissəsinə az miqdarda sürtüb allergiyaya səbəb olub olmamasını təyin etmək lazımdır.

Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.