Şixan sindromu
Bu hipotalamus və hipofizin çatışmazlığıdır.Patologiya doğuş zamanı çoxlu qanitirmə zamanı kollaps baş verdiyində meydana gəlir.
Şixan sindromu doğuşdan sonra hipofizdə
meydana gələn infarkt kimi qiymətləndirilir.Ağır doğuşlarda arterial təzyiqin yüksəlməsi və çoxlu qanitirmə doğuşun orqanizmdə müxtəlif patologiyalar əmələ gətirməsinə səbəb olur.
Qadın hamilə olduqda onun hipofizi öz normasından böyük olur,amma oranın qanla təmin edilməsi əvvəlki kimi qalır.Doğuşdan sonra yuxarıda sadalanan patologiyalar baş verdikdə isə hipofizə qanın nəql edilməsi zəifləyir.Bu zaman hipofizdə hipoksiya baş verir ki,bu da həmin hissənin infarktına səbəb olur.Bəzən hətta infarkdan sonra hipofizin nekrozu da inkişaf edir.Bu zaman adenohipof və laktotropin hüceyrələri zədələnir.
Xəstəlik öz əlamətlərinin qısa bir zamanda biruzə verir.Xəstələrdə zəiflik,süd vəzilərinin fəaliyyətinin dayanması və kiçilməsi,arterial təzyiqin aşağı düşməsi müşahidə edilir.Sonralar saçların tökülməsi,çəkinin itirilməsi və narahatçılıq hissi meydana çıxır.Qadın vaxtında müayinə edilib diaqnoz qoyulmasa və müalicə aparılmasa xəstəliyin gedişi ağırlaşır, qadınlarda yenidən ovulyasiya və hamiləlik baş vermir.Çünki hipofiz bu patologiyanı öz-özünə bərpa edə bilmir və mütləq vaxtında müalicə tələb edir.
Şixan sindromun diaqnozun qoyulmasında hipofiz və hipotalamusun hormonlarının qanda miqdarının yoxlanılmasının nəticələri əsas götürülür.
Müalicə infantilizmin müalicəsi ilə birlikdə hormonal terapiyadan ibarətdir.Xəstəyə 2-3 ay ərzində sintetik progesteron müalicəsi və qonadotropin təyin edilir.Müalicə qənaətbəxş olduqda qonadotropinin miqdarı tədricən azaldırlır.Bu müalicə hipofizin funksiyasını müvəqqəti blokada edir və sonradan onun aktivləşməsini təmin edir.
Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.
OXŞAR MƏQALƏLƏR
"Şixan sindromu" haqqında müzakirə