Miqren xəstəliyini müalicəsində xalq təbabəti üsulları
Bitki dəmləməsi:
Gülümbahar çiçəyi, istiotlu nanə yarpağı, yemişan meyvəsi və pişikotu kökünün hərəsindən 1 xörək qaşığı, boymadərən otundan 2 xörək qaşığı götürülür. Komponentlər xırdalanaraq qarışdırılır. 3 xörək qaşığı qarışıq termosa tökülür və üzərinə 600 ml qaynar su əlavə edilir. 12 saat saxladıqdan sonra dəmləmə süzülür. 3 gün ərzində hər 2 saatdan bir 1/3 stəkan ilıq şəkildə qəbul edilir.
Bitki dəmləməsi:
3 xörək qaşığı aptek çobanyastığı çiçəyi, hərəsindən 2 xörək qaşığı pişikotu kökü və qaraqınıq otu, 1 xörək qaşığı solmazçiçəyi çiçəyini, xırdalayıb qarışdırmaq lazımdır. 3 xörək qaşığı qarışığı 600 ml qaynar suda 20 dəqiqə vam odda dəmlədikdən sonra , soyudaraq süzün. Gündə 3 dəfə 30 dəqiqə yeməkdən əvvəl qəbul edin.
Bitki-mumiya qarışığı:
Hərəsindən 3 xörək qaşığı yemişan meyvəsi və dərman bədrənc otu, 2 xörək qaşığı dazıotu və 1 xörək qaşığı damotu otunu xırdalayıb qarışdırın. Qarışıqdan 3 xörək qaşığı götürüb 600 ml qaynar suya tökərək 20 dəqiqə vam odda dəmləyin. Süzdükdən sonra 0,2 qr mumiya əlavə edib əriyənədək qarışdırın. Hər dəfə yeməkdən 30 dəqiqə əvvəl yarımstəkan için.
Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.
OXŞAR MƏQALƏLƏR
"Miqren xəstəliyini müalicəsində xalq təbabəti üsulları" haqqında müzakirə