Hamiləlikdə Omeqa-3 yağ turşusunun faydaları
Orqanizm üçün lazım olan bəzi maddələr vardır ki, onları mütləq xaricdən qəbul etmək lazımdır. Belə maddələrdən biri, Omeqa-3 yağ turşusudur. Omeqa-3 yağ turşusu sinir sistemi hüceyrələrinin möhkəmlənməsi və bərpası üçün lazım olan bir maddədir. Mütəxəssislər araşdırmalar nəticəsində hər dəfə Omeqa-3 -ün faydası haqqında yeni bir söz söyləyirlər.
Hamiləlik zamanı Omeqa-3 yağ turşusunu qəbul etmək ana bətnində olan körpənin beyin və gözhüceyrələrinin inkişafı üçün vacibdir.
Mütəxəssislər hamiləlik vaxtı Omeqa-3 yağı qəbul edən qadınlarla, qəbul etməyən qadınlar arasında araşdırmalar aparmışlar. Araşdırmalar Omeqa-3 yağ turşusu qəbul edən hamilə qadınlarda erkən doğum riskinin aşağı olmasını, sidikdə zülalın olmamasını, arterial təzyiqin qalxmamasını, eklampsiya təhlükəsinin olmadığını təsdiqləmişlər. Hamiləlik zamanı Omeqa-3 yağı qəbul edənlərdə doğumdan sonra depressiyanın baş verməsi, hafizənin pozulması riski aşağı olur. Omeqa-3 qəbul edən hamilələrin dünyaya gətirdikləri uşaqlarda allergiya, hiperaktivlik, diqqətsizlik kimi problemlər az hallarda baş verir. Doğulmuş qız uşaqlarında süd vəzinin xərçəngi riski olmur.
Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.
OXŞAR MƏQALƏLƏR
"Hamiləlikdə Omeqa-3 yağ turşusunun faydaları" haqqında müzakirə