Ayaqlarınız iylənirsə...
Ayaqlarınızdan xoşagəlməz iy gəlirsə, bunu ev şəraitində aradan qaldırmaq mümkündür.
Əvvəlcə ayaqlarınızı vanna etmək üçün isti suya yarım litr üzüm sirkəsi əlavə edin və ayaqlarınızı orada yarım saat saxlayın. Sonra əgər ayaqlarınızda ayaq göbələyi varsa, qurulayıb göbələk dərmanı sürtün. Yox əgər göbələk xəstəliyiniz yoxdursa, o zaman ətirli ayaq kremi sürtərək corablarınızı geyinə bilərsiniz.
Ayaq qoxusundan xilas olmağın yollarından biri də ayaqqabını dəyişdirməkdir. Keyfiyyətsiz və ucuz ayaqqabılar ayaqların iylənməsinə səbəb ola bilir. Əgər ayaqqabınızı dəyişdirməyə imkanınız yoxdursa, o zaman aptekdən alınmış təmiz spirtlə ayaqqabılarınızın içərisini pambıqla silin və havalandırın.
Ayaq barmaqlarınızın arasında göbələk xəstəliyi yoxdursa, o zaman dırnaqlarınızda göbələk xəstəliyinin olub-olmamasını yoxlatdırırn. Çünki ayaqların iylənməsinin əsas səbəbi göbələk xəstəlikləridir. Bu zaman ayaqlar mütləq göbələk əleyhinə şampunla yuyulmalı və təmiz qurudulmalıdır.
Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.
OXŞAR MƏQALƏLƏR
"Ayaqlarınız iylənirsə..." haqqında müzakirə