Dekorativ kosmetikadan istifadə qaydaları
Dekorativ kosmetik vasitələr üzdəki qüsurları gizlətmək üçündür. Lakin ondan lazım olan qədər istifadə etmək lazımdır. Bəzi qadınlar dekorativ kosmetikanın zərərlərini bildikləri üçün ondan istifadə etmir. Amma qadınların bəziləri dəblə ayaqlaşmağı üstün tutaraq dekorativ kosmetikadan bolluca istifadə edir, dərilərinə dəyən zərərin miqdarından xəbərləri belə olmur.
Dekorativ kosmetikadan istifadəyə qrim deyilir. Qrim 2 cür olur:
1. Gecə qrimi.
2. Gündüz qrimi.
Gündüz qrimi bir qədər açıq, nəzəri cəlb etməyən, gecə qrimi isə bir qədər tünd olur və tez nəzərə çarpır. Gecə qrimindən adətən toya, nişana, ictimai yerlərə gedən zaman istifadə edilir.
Qrim sifətin dərisinə, gözlərin və saçların rənginə uyğun olaraq çəkilməlidir.
Məsələn, qara rəngli dərisi olan qadınlar ağardıcı kremlərdən istifadə edə bilməz.
Dekorativ kosmetikaların tərkibində müxtəlif hormonlar və zərərli kimyəvi maddələr ola bilir. Buna görə də onlardan istifadə etdikdən sonra tez təmizləyib silmək lazımdır.
Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.
"Dekorativ kosmetikadan istifadə qaydaları" haqqında müzakirə