Nənələrimiz nə deyib? Ağcaqayın
Ağcaqayın ağacının yarpaqlarından, tumurcuqlarından və qabığından dərman vasitəsi kimi istifadə edilir.
Xalq təbabətində yarpaq və tumurcuqlarının şirəsindən böyrək və sidik xəstəlikləri zamanı istifadə edilir.
Ağcaqayından hazırlanmış dərmanlar dəri xəstəliklərində, kəskin revmatizmdə, qaraciyər iltihabında, mədə və onikibarmaq bağırsağın xora xəstəliyində istifadə olunur. Adətən belə hallarda 50 qram ağcaqayın tumurcuğu götürülüb, 10 gün ərzində 500 qram araqda saxlanılır və gündə 3 dəfə 1 çay qaşığı yeməkdən 20 dəqiqə əvvəl xəstəyə su ilə verilir. Bu xəstələrə iştahaçıcı təsir göstərməklə yanaşı xoranı sağaldır, spazmı aradan qaldırır.
Ağcaqayın tumurcuqlarının dəmləməsi qıcolmalarda da istifadə olunur.
Ağcaqayın yarpaqlarını qaynadıb suyu ilə saçları yuduqda, saç tökülməsinin qarşısı alınır.
Ağcaqayının cicəkləri dərin bir qaba tökülür və üzərinə ağ neft əlavə olunur. 10 gün sonra pambıq parça alınan qarışıma batırılır və ağrıyan oynaqlara qoyularaq bağlanarsa ağrılar aradan qalxar. Bu ən çox revmatizm xəstəliklərində oynaqlardakı ağrıları aradan qaldırmaq üçün istifadə edilir.
Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.
OXŞAR MƏQALƏLƏR
"Nənələrimiz nə deyib? Ağcaqayın" haqqında müzakirə