Uşaqlarda diqqət dağınıqlığının səbəbləri

Müəllif: elnare
Tarix: 13 yanvar 2017
Baxış sayı: 3 409
0 rəy

Uşaqlarda diqqət dağınıqlığının səbəbləri.
Uşaqlarda hiperaktivliklə əlaqədar diqqət dağınıqlığının səbəbləri tam bilinmsə də, onun nevroloji və genetik faktorlarla əlaqədar olduğu güman edilir. Amma bunun beynin ön tərəfində neyronlarda baş verən çatışmazlıq səbəbli olduğu öz təsdiqini tapmışdır. Beynin ön hissəsi diqqətin, davranışın, plan qurmanın, yaddaşın, motivasiyanın nəzarət olunmasına xidmət edir. Hamiləlik vaxtı çoxlu sayda dərmanların, spirtli içkilərin qəbulu, müxtəlif infeksiyalar, ağır doğuş travmaları, yarımçıq doğuşlar və azyaşlı uşaqlarda beyin travması məktəb yaşlarında uşaqların diqqət dağınıqlıqlarına səbəb ola bilir. Çevrəsəl amillər və ailə vəziyyəti uşaqlarrın hiperaktiv və diqqət dağınıqlığına səbəb ola bilməz.
Uşaqlarda diqqət dağınıqlığının, diqqətin bir yerə toplana bilinməməsinin səbəbi bioloji pozğunluqlarla əlaqədardır. Belə uşaqların valideyinlərindən tez-tez aşağıdakı sözləri eşitmək olur:
– Uşağımın fikri çox dağınıqdır, yaddaşı zəifdir, o hər şeyini itirir.
– Uşağım bir məsələni həll etmək üçün saatlarla vaxt sərf edir.
– O adi bir işi axıra çatdıra bilmir.
– Uşağım kompyuterlə əlaqədar olan hər şeyi bilir, amma dərslərini hazırlaya bilmir.
– O çox zəki bir uşaqdır, heç birimizin diqqətini çəkməyən şeylərə diqqət yetirir, amma dərslərini hazırlaya bilmir.
Uşaqlarda diqqət dağınıqlığı hiperaktivliklə bir tərəzidə ölçülür. Diqqətsizlik uşaqlara vurulan bir damğa deyil, o müalicə oluna bilinən kliniki bir əlamətdir.
Diqqət dağınıqlığı olunan uşaqların hamısında hiperaktivlik müşahidə edilmir. Bəzi hallarda müxtəlif sıxıntıları olan, özünə qapanıq uşaqlarda da diqqət dağınıqlğına rast gəlmək olur. Diqqət dağınıqlığı uşaqlarda tez-tez rast gəlinən yaddaşla əlaqədar olan patologiyadır. O əgər vaxtında və düzgün müalicə olunmazsa, həmin uşaq böyüdükdə həyat və sosial davranışlarıda geriliyə, özgüvən çatışmazlığına mübtəla olacaq. Belə uşaqlar yaşlarının az olduğu vaxtda öz yaşıdlarının və valideyinlərini incitdiyi kimi, böyüyəndə də çevrəsində olan adamlara qarşı xoş olmayan münasibətlərlə zərər verə bilir.
Belə uşaqlara dərsdə sakit oturmaq, qarşısındakının sözünə diqqətlə qulaq asmaq çətin olur.

Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.