Goyöskürək
Göyöskürək – kəskin uşaq infeksiyasıdır və getdikcə artan tutma şəkilli öskürəklə müşayiət olunur. Vaxtında edilən peyvənd xəstəliyə yoluxmanın qarşısını alır, yoluxma baş verdikdə isə belə xəstəlik yüngül keçir.
Xəstəlik nəzərəçarpmadan başlayır. Uşaq azca öskürür, lakin ümumi vəziyyət o qədər dəyişmir, aktivliyini itirmir, iştahası pozulmur. Lakin vaxt keçdikcə öskürək güclənir, qusma ilə nəticələnən tutmalara keçir. Həmin dövr 1,5-2 həftə çəkir. Tutmalar kiçik intervallarla davam edir, gün ərzində 20-30 tutmaya qədər baş verə bilər. Tutma zamanı uşağın üzü şişir, göyərir, gözlərindən yaş axır, tüpürcək ifrazı artır, qabırğalar arası əzələlərdə və qarın əzələlərində ağrılar əmələ gəlir. Xəstəlik inkişaf etdikcə bəlğəm ifrazı artır, gözlərin ağlı qişasında olan kapilyarlar partladığına görə skleralar qızarır. Həmin dövr 1-3 həftəyədək davam edir.
Xəstəlik boyunca uşaq infeksiya mənbəyi olduğu üçün 30 gün ətraf mühitdən təcrid edilir.
Müalicəsi:
Müalicəsi simptomatik aparılır. Xəstə uşaq açıq havada çox olmalı, onun yatdıgı otaq gün ərzində 1-2 dəfə yaş əski ilə silinməli və havası tez-tez dəyişilməlidir.
Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.
"Goyöskürək" haqqında müzakirə