Androgen çatışmazlığının qarşısını almaq mümkündürmü?!

Müəllif: elnare
Tarix: 30 yanvar 2020
Baxış sayı: 12 205
0 rəy

Bir insanın bədənində androgen çatışmazlığı-testosteron çatışmazlığı ilə xarakterizə olunan(kişi cinsi hormonu) sindromdur. Yetkinlik dövründə-yetkinlik dövrünün gecikməsi və cinsi xüsusiyyətlərin olmaması kimi özünü göstərir. Yetkinlik yaşında, ereksiyanın azalması, androgenə bağlı zonalarda tük artımının ləngiməsi (üzdə, qoltuqaltı bölgədə, qasıq nahiyyədə), süd vəzlərinin böyüməsi baş verir. Bununla da cinsi həyatın pozulmasına, sonsuzluğa, fərdi psixoloji travmaya səbəb olur.
Testosteron əsas kişi hormonudur. Bu hormonların əsas vəzifəsi kişi davranışının və cinsi xüsusiyyətlərinin (üz tüklərinin inkişafı, səsin kobudlaşması) meydana gəlməsindən ibarətdir. Cinsiyyət orqanlarının inkişafı, əzələ kütləsinin artması testosteron hormonu olmadan mümkün deyil. Kişilərdə yağ toxuması qadınlara nisbətən tamamilə fərqli şəkildə paylanılır. Kişi spermatogenezi və skelet inkişafı da orqanizmdəki testosteronun səviyyəsindən asılıdır.
Qanda testosteronun azalması səbəbindən fizioloji yaşlanma özünü ilk növbədə reproduktiv sistemdən büruzə verir.
Digər orqanlar və sistemlər tərəfindən simptomların şiddəti hipoqonadizmin dərəcəsindən asılıdır. Laboratoriyada qanda ümumi testosteron və bioloji aktiv testosteronun miqdarı araşdırılır. Qanın ümumi və biokimyəvi analizi aparılır, həmçinin cinsi hormonu birləşdirən qlobulinin (CHBQ) konsentrasiyası müəyyənləşdirilir. Androgen çatışmazlığını düzəltməyin əsas metodu müxtəlif testosteron preparatlarından istifadə edərək əvəzedici terapiyadır. Müalicənin effektivliyi orqanizmdə testosteronun konsentrasiyası normaya çatdırıldıqda və onun çatışmazlığının təzahürləri aradan qaldırıldıqdan sonra nəzərə çarpır. Bununla yanaşı, əvəzedici terapiya tamamilə təhlükəsizdir, minimal yan təsirlərə malikdir və kişilərə, xüsusən erkən androgen defisitli kişilərə vərdiş etdiyi həyat tərzinə davam etməyə və aktivliyi saxlamağa imkan verir.

Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.