Təzyiqin qalxmasının 7 əsas səbəbi

Müəllif: redaktr
Tarix: 21 yanvar 2017
Baxış sayı: 9 913
0 rəy

Təzyiqin qalxmasının 7 əsas səbəbi
80-130mm.civə sütunundan artıq olan təzyiq yüksək təzyiq hesab edilir. Arterial təzyiqin yüksəlməsinin müxtəlif səbəbəri vardır. Bunlara aşağıdakılar aid edilir.
1. Damarların tonusunun artması
Arterial təzyiq diaqnozu təsdiqləndiyi zaman xəstə mütləq qanının ümumi və biokimyəvi analizlərini, sidiyin ümumi analizini, EKQ-ni, döş qəfəsi rentgenoqrafiyasını və daxili orqanların müayinəsini etdirməlidir. Əgər bütün müayinələrin nəticələri sağlam çıxarsa bu zaman təzyiqin əmələ gəlmə səbəbi kimi damar tonusunun artmasında görürlər. Bu cür təzyiq ən çox sağlam görünən adamlarda olur. Bu zaman xəstə təzyiqini nəzarət altında saxlayaraq arterial təzyiqi normada saxlayan dərmanlar qəbul etməlidirlər.
2. Böyrək xəstəlikləri
Arterial təzyiqin qalxmasına səbəb olan amillərdən biri də böyrək xəstəlikləridir. Böyrək damarlarında olan problemlər və müxtəlif xəstəliklər arterial təzyiqin qalxmasına səbəb olur. Bu zaman xəstələr yüksək təzyiqdən şikayət edirlər. Belə olduğu halda xəstələr təzyiq dərmanları ilə yanaşı böyrəklərinin də müalicəsinə diqqət yetirməlidirlər.
3. Hormonal pozğunluqlar
Qanın müayinəsi zamanı qanda kaliumun az olması əzələlərdə zəifliklərə səbəb olur. Bu orqanizmdə aldesteron hormonunun çatışmazlığını bildirir ki, bu zaman da arterial təzyiq yüksəlir. Aldesteron hormonunun çatışmazlığı təzyiqin qəfildən yüksəlməsinə,xəstənin rənginin avazımasına, ürəkdöyünmələrə səbəb olur. Bu əksər halarda böyrəküstü vəzin xoşxassəli şiş xəstəliyi zamanı baş verir.
4. Alkohol
Bəzən sağlam adamlar çoxlu miqdar spirtli içki qəbul etdikdə səhəri gün onların arterial təzyiqləri yüksəlir. Bu zaman sadə spazmolitiklərlə təzyiqi aşağı salmaq mümknüdür.
5. Dərmanlar
Mütəxəssislər uzun müddət qəbul edilən ağrıkəsicilərin mədədə problem yaratmaqla yanaşı, təzyiqin qalxmasına da səbəb olduğunu söyləyirlər. Bunu Tel-Əviv universitetinin mütəxəssisləri sübut edib. Onlar parasetomol və kofein tərkibli ağrıkəsicilərin arterial təzyiqi qaldırdığını söyləyirlər.
6. Müxtəlif qida maddələri
Ac qaldıqdan sonra çoxlu qida qəbul etmək təzyiqi qaldıra bilir. Bu qidaların duzlu olması xüsusilə təzyiqin yüksəlməsinə səbəb olur. Çünki duzun orqanizmdə çox olması toxumalarda suyun miqdarının normadan artıq yığılmasına səbəb olur ki, bu da təzyiqi qaldırır.
7. Boyun ağrıları
Onurğanın boyun bölgəsində ağrıların olması osteoxondrozun əlamətləri sayılır. Bu boyun və kürək hissənin əzələlərində gərginliyə səbəb olur ki, bu zaman həmin hissənin damarları sıxılır, arterial təzyiq meydana çıxır. Bəzi hallarda iş stolunda saatlarla düzgün oturmamaq da bəzən doyun əzələlərinin gərginləşməsin və təzyiqin artmasına səbəb olur.

Bu portalda yerləşdirilmiş bütün məqalələr peşəkar həkim tərəfindən yazılıb. Saytımızdan hər hansı məlumat götürdükdə hipper-link ilə istina vacibdir https://immunitet.az/.