Qaynar Məqalələr

Rənglər və mənaları

rəng

Rənglər və mənaları.
Qırmızı rəng. 
Canlılıq və dinamiklik yaradır, xoşbəxtliyi təmsil edir. Sevginin, odun, alovun, əzmin rəngidir. İştah açdığına görə bütün qida firmaları reklamlarında qırmızı rəngə üstünlük verirlər.
Yaşıl rəng. 
Duyğusal rəng hesab edilir. Yaşıl arzu, murad, istək rəngi hesab edilir. Güvənverici bir rəngdir. Bu səbəbdən bank reklamlarında yaşıl rəngə üstünlük verilir.
Qara rəng.
Duyğu və hüzn rəngi hesab edilir. Gücü təmsil edir. Bizlərdə qara rəng matəm rəngi hesab edilir, amma Yaponiyada qara rəng xoşbəxtlik rəngi hesab edilir. Bir çox ölkələrdə qara rəng rənglərin şahı sayılır.
Mavi rəng.
Göy üzünün, üfüqün və dənizin rəngi olduğuna görə mavi rəng uzaqgörənliyin və sərhədsizliyin simvolu hesab edilir. Ərəblərin inanclarına görə mavi rəng əsəb sakitləşdirir və qan təzyiqini aşağı salır. Buna görə də ərəblər gözmuncuğunu mavi rəngdə düzəldirlər. Hətta divarlarının rəngi mavi olan məktəblərdə şagirdlərin az dəcəllik etdikləri öz təsdiqini tapmışdır.
Lacivərd rəng.
Kosmik rəng olaraq qəbul edilir, sonsuzluğun, səxavətliliyin, xarizmanın, inandırıcılığın təmsilidir.
Çəhrayı rəng.
Sevincin, xoşbəxtliyin və sevginin rəmzi hesab olunur. İnsana rahatlıq verən bir rəngdir. Çəhrayı rəng məsum uşağın simvolu sayılır.
Ağ rəng.
Təmizliyi və saflığın simvolu sayılır. Siyasətçilərin ağ köynək geyinmələrinin səbəbi dürüst və təmiz adam olduqlarını ətrafdakılara nümayış etdirmək istəməsidir.
Qəhvəyi rəng.
Doğruluğun, planlı işgüzarlığın və sistemli işləməyin simvolu sayılır. Fonda ağ rəng olduqda insanları sərgiyə yavaş-yavaş gəzərək baxdıqları təsdiqlənmişdir. Amma fonun qəhvəyi rəngdə olduğu zaman insanların muzeylərdə daha çox vaxt keçirdikləri öz sübutunu tapmışdır.
Sarı rəng.
Sarı rəng gözləri ən çox yoran rəng hesab edilir. Onun gözlərə yorucu təsir göstərdiyi təsdiqlənmişdir. Evin divarını, kompyuterin fon rəngini sarı rəngdə etmək məsləhət görülmür. Çünki bu rəng gözləri yorur, beyni qıcıqlandırır.

immunitet.az

loading...

Məsləhət Görürük

caverme

Aqoniya nədir

Aqoniya nədir? Canvermənin əlamətləri Aqoniya terminal fasilə ilə kliniki ölüm arasında olan mərhələdir. Aqoniya canvermədir. …

Яндекс.Метрика

Designed by F.Aliyev