Qaynar Məqalələr

İlyas Həsənov  

doc_pic2

İnvaziv radioloq  ( tibb elmləri üzrə fəlsəfə doktoru)

Dr. İlyas Həsənov, Azərbaycanın ilk invaziv radioloqudur.

2004-cü ildə Azərbaycan Tibb Universitetinin 1-ci müalicə-profilaktika fakültəsinin cərrahiyyə bölümünü bitirib.

2004-2006-cı illərdə Rusiya Federasiyası Sankt-Peterburq şəhərində yerləşən Mərkəzi Rentgen-Radiologiya İnstitutunda radiologiya üzrə

2006-2008-ci illərdə isə rentgen-cərrahiyyə üzrə ordinaturaları bitirmişdir.

İştirak etdiyi kurslar, konfranslar :

2008-2009-cu illərdə Hamburq (Almaniya) şəhərində Asklepios Klinik Altonada İnvaziv Radiologiya, xüsusən İnvaziv Neyro-radiologiya üzrə ixtisas artırmada olmuşdur.

Bu müddət ərzində Beyin damarlarında olan patologiyaların-anevrizma, arterio-venoz-malformasiya, arterio-venoz-fistul, damar daralmaları, damar tıxanmalarının invaziv yolla müalicəsi üzrə ixtisaslaşmışdır.

2009-2010-cu illərdə İstanbul şəhərində yerləşən Başkent Universitetinin xəstəxanasında, Medikal Park xəstəxanalarında invaziv radiologiya üzrə uzun müddətli kurslar keçmişdir.

2010-cu ildə İtaliyanın Ferrara şəhərində yerləşən Damar xəstəliklər Mərkəzində Professor Paola Zamboninin yanında venoz damarlarda invaziv müdaxilələr üzrə kurs keçmişdir. Qeyd edək ki, məhz Paola Zamboni çox geniş yayılmış və müalicəsi hələdə tam bəlli olmayan Dağınıq Skleroz xəstəliyində yeni müalicə sayılan CCSVI zamanı venoz damarların Balon Angioplastikası və stent implantasiyası əməliyyatlarını dünyada ilk tətbiq edən həkimdir.

2010-cu il Noyabr ayının 24-də Sankt-Peterburq şəhərində Qaraciyərin metastatik şişlərinin invaziv metodlarla müalicəsi mövzusunda namizədlik dissertasiyasını müdafiə etmiş və tibb elmləri üzrə fəlsəfə doktoru adını qazanmışdır. Bir çox elmi məqalələri yerli və xarici jurnallarda dərc olunmuşdur.

İxtisaslaşdığı tibbi sahə

Bir çox invaziv radioloji əməliyyatlar, yerli mütəxəssis olaraq Azərbaycanda ilk dəfə məhz İlyas Həsənovun komandası tərəfindən yerinə yetirilib. Bu əməliyyatlardan – Anevrizmaların Coil Embolizasiyası, Qaraciyər şişlərinin kimyəvi embolizasiyası, Uşaqlıq Miomalarının Embolizasiyası (UAE), Qanayan şişlərdə (sidik kisəsi, qaraciyər, uşaqlıq) mexaniki embolizasiya və sairə. Artıq 8000 dən çox invaziv radioloji əməliyyatı uğurla icra etmişdir. CİRSE (Cardiovascular and Interventional Radiological Society of Europe) 2007-ci ildən Azərbaycandan ilk və yeganə tam üzvüdür.

2009-2012-ci illərdə Mərkəzi Gömrük Hospitalının İnvaziv Radiologiya şöbəsinin rəhbəri olmuş,

2012-ci ildən etibarən isə MediStyle Hospitalın Radiologiya şöbəsinin rəhbəridir.

2015-ci ildən Avrasiya Hospitalın baş həkimidir.

 

loading...
Яндекс.Метрика

Designed by F.Aliyev